Pallabres de payaso


Pallabres de payaso -  - 9788480533324
EAN: 9788480533324
Editado por: Trabe
Materia: Poesia en asturiano
Colección: Albera
Nº en la colección: 29
Idioma:Asturiano
Publicado el: 1 Enero 2004
Nº Edición: 1
Nº páginas: 39
Encuadernación: Rústica

Agotado

comparte tu valoración:
Miguel Allende ufiértanos esti poemariu sorprendente, personalísimu y mui muncho destremáu de la poesía que güei se ta escribiendo n’Asturies, con ecos y resonancies surrealistes y psicodéliques y un regustu underground y radicalidá años 70. Nesti conxun tu de poemes de versu llargu y tiempu lentu améstense’l mundu rural asturianu y l’urbanu más puru al mou beat americanu.

Pallabres de payaso ye un poemariu trescaláu d’ironía, acedu, percorríu poles más dixebraes tradiciones culturales: clásiques, castellanes, asturianes, franceses y estaounidenses, nel que la música y el cine ocupen un llugar de gran importancia como referentes de cultura.

Miguel Allende (Llaviana, 1960) ye llicenciáu en Filoloxía Románica pela Universidá d’Uviéu y trabaya como educador na Fundación Docente de Mineros Asturianos (antiguu Orfanatu Mineru). Pallabres de payaso ye la so presentación pública como poeta, anque los versos tán escritos munchos dellos nos primeros años de la década de los 80 –al abellu de la tertulia lliteraria La Seronda, qu’entós entamaba a caminar na Pola– y otros na última década del sieglu pasáu.