Güelgues de Gallón


Güelgues de Gallón -  - 9788480535076
EAN: 9788480535076
Editado por: Trabe
Materia: Asturias , Poesia en asturiano
Colección: Albera
Nº en la colección: 60
Idioma:Asturiano
Publicado el: 1 Enero 2009
Nº Edición: 1
Nº páginas: 92
Encuadernación: Rústica

Sin stock actualmente, disponible bajo pedido

comparte tu valoración:
El gallón, animal a piques d’esaniciase, aislláu y con poques posibilidaes de renovación xenética, ye’l filu conductor d’esti singular poemariu de Miguel Allende, Güelgues de gallón, col que ganó ex æquo’l Premiu de Poesía «Teodoro Cuesta» nel añu 2007. Cantor por gustu, filósofu solitariu y conceptual escribidor de sonetos y sonates, el gallón d’estos poemes va de lo culto a lo popular, de lo local a lo universal: dende’l so hábitat na asturiana Brañavieya percuerre la cultura occidental y d’ella bebe pa recitar cantares y caligrames que resumen con claridá’l destín del ser humanu: [...] / Los nuesos pasos tienen / de perdese como güelgues na nieve.

Miguel Allende (Llaviana, 1960) ye llicenciáu en Filoloxía Románica pola Universidá d’Uviéu y trabaya como educador na Fundación Docente de Mineros Asturianos. Poeta tardíu, nel 2004 sorprendió a públicu y crítica col poemariu Pallabres de payaso –Premiu de la Crítica d’Asturies–, editáu nesta mesma casa. Con esti nuevu poemariu confírmase como la voz más personal y renovadora de la poesía asturiana última.